Masala #1202

“Dasturlash musobaqalari” bo'limi uchun yaqinda yangi ofis qurildi. Shu sababli bu yerdagi barcha dasturchi elflar yangi ofisga ko'chish uchun eski ofisdagi hamma narsani yig'ishtirishdi. Narsalarni yig'ishtirish davomida “Junior” dasturchi elflar juda eski fotoapparat topib olishdi. Ular bir amallab fotoapparatdan chiqayotgan tasvirlarni raqamli ko'rinishga o'tkazishni uddalashdi, ammo fotoapparat eskiligi uchun chiqayotgan tasvirlarda ko'plab dog'lar bor. Ular tasvirdan dog'larni tozalaydigan dastur qilmoqchi bo'lishdi, ammo uddalay olishmadi. Siz ularga yordam bering.

Dastur quyidagicha ishlashi kerak:

Sizga binar tasvir (faqat oq va qora rangdan iborat tasvir) beriladi. Siz tasvirdan diametri K dan kichik yoki teng bo'lgan qora dog'larni o'chirib tashlashingiz kerak bo'ladi. Dog'ning diametri undagi istalgan ikkita piksel orasidagi maksimal masofa hisoblanadi. Bitta pikselga uning tepa, past, chap va o'ng taraflarida joylashgan piksellar qo'shni hisoblanadi.

Birinchi qatorda tasvir o'lchamlari: X - tasvir balandligi, Y - tasvir kengligi (1<=X,Y<=500).
   Keyingi Y qatorda X tadan belgi: 0 yoki 1 raqami, bunda 1 qora rangli pikselni, 0 oq rangli pikselni ifodalaydi.
   Oxirgi qatorda K soni (1<=K<=1000).

Dog'lardan tozalangan tasvirni chop eting.